مهلا ياقدر

دق مهند الجرس وهو كان يدق جوالي وماكنت بحاله ولا بحال شي خلاص احسني بديت اتلاشى النزيف يزيد والألم فظيع .. فتحت له الشغاله وجا لغرفتي على طول وأول ماشافني نيمني على ظهري واعطاني ابرة في فخذي توقف النزيف بعدين جاب قميصي لبسني اياه وشالني بعد مالف عبايتي علي وطرحتي على راسي ..!
صحيت بالمستشفى وانا تعبانه فتحت عيوني شفت شكل مو غريب علي بس من زمان عنه
: خالتي .؟
كان صوت خالتي تبكي : هلا يمه الحمد لله على سلامتك
: راح ماقدرت احافظ على ولد مهند
: لا تبكين يايمه وعسى ان تكرهوا شيئاً وهو خيرٌ لكم .
: خالتي تكفون لاتقولون مات الجنين .
سكتت خالتي وقعدت تبكي وتمسح على راسي بيدها وتسمح دموعي بمنديل .
دخل علينا مهند وهو يبتسم ولا كأن شي صار .. بس لمن شافني ابكي جا عندي بسرعة قال : لا ياديمه لاتبكين ياعمري ...
قاطعته وقلت : مهند ماقدرت احافظ على ولدك .
: موبيدك ياعمري بعدين ماتدرين يمكن ربي كاتب لنا خير .. جلس بجنبي على السرير وكمل : عمري انتي تعرضتي لصدمات عصبيه في بداية حملك انا توني شايف ملفك عندك اكتئاب حاد ... وكان المفروض ماتعرضين نفسك لأي صدمة او زعل او حزن وانتي زي ماقلتي لي كنتي تبكين بشكل فظيع اكيد بيصير نتيجه عكسية على الجنين ..!ويمكن ربي فكنا منه اذا فيه شي .
مسك يدي وباسها قال : بنجيب عشرة لاتحزنين على هذا ..
: مهند هو مات اكيد .
: ايه والله مات ؟ياعمري بس لايضيق خلقك .
: آسفه حبيبي ماكنت ابغى يصير كذا بس غصباً عني ..
: ياعمري انا اللي آسف اذا فيه احد مسؤول عن اللي صار لك فهو انا .. لو دريت ان هذا بيصير لك كل هالتعب مااخذتك معاي .
تكلمت خالتي : مهند وش تقول انت .
: يمه البارحه ديمه معاي طول الليل ومارجعتها الا الصباح قبل اداوم .
: ههههههههههههه وانا اقول الرجال انقلب حاله ورجع لنا يضحك ويسولف ومستانس اثري ديمه في الموضوع
ابتسمت اجامل خالتي وانا بداخلي مكسورة ولدي مات والله مقهورة كنت مرة متحمسة يجي لي ولد ولا بنت واسميه واربيه ابي فيه من خالي ناصر كثير ومن ابوه كثير ومن عناد اخوي كثير ومن ابوي الله يرحمه اشياء كثيييرة .. وابي بنت تصير زي خالتي سمر ذكيه وعاقلة ولبقه وجميلة بربيها بطريقتي ..
انتبه لي مهند ودموعي تنزل .. جلس بجنبي ولف يده من ورى ظهري
: حبيبة مهند ليه دموعها تنزل ؟ انا ماقلت لك لااشوف الدموع هذي .
: مقهورة ان صار لولدنا كذا
: ياعمري لاتنقهرين وعسى ان تكرهوا شيئاً وهو خيرٌ لكم
: مهند كنت فرحانه فيه شو يضمن لي الحين اني راح اجيب منك عيال
: ههههههههههههههههههههه والله انك شكاكة وخوافه الحين بروح انهي الموضوع ياعمري لاتخافين.. ابيك تجين لبيتك عند امي تراعيك وانتي تعبانه ..
: .......................
تكلمت خالتي : ديمه لاتخافين انتي لمهند ومهند لك ماني كارهة ولدي ارميه لنار بنت سعود وامها .. وعلى قولة مهند انتي جنته يتركك ويروح لنار غيرك .
: خالتي اذا فيه احد بيشاركني بمهند مااقدر اعيش معه .. اذا بيصير لي لوحدي جيته الحين قبل شوي .
تحرك مهند من عندنا على طول وخرج من الغرفه قلت : خالتي
: هلا وغلا
:مهند ترى مانام راح للمستشفى مواصل
: لا ماعليك راح مالقى مرضى وماعنده الا موعدين ماجوا المرضى ورجع للبيت يرقص ويغني وجايب لنا فطور الساعه عشرة ونام لين دق عليك
: الحمد لله انه نام كنت شايلة همه انه مواصل وانا تعبته معاي
مدت علي خالتي كاسة حليب قالت : لاتقولين هالكلام يمه .. بس انا عاتبه عليك يوم خبيتي علينا حملك .
نزلت الكاسة على الطاولة اللي بجنبي قلت : صدقيني ياخالتي عشان مهند حتى اسألي خالي انا ماكنت ابغى مهند يتعذب اكثر يكفي فراقي تبغينه يشيل هم فراق ولده .
: لا يمه لو علمتيه كان صار له حجة عند ابوه وافتكينا من وجع الراس والصدمات اللي تجيك بس كل شي مقدر ومكتوب
: خلاص انا رضيت بالقدر وحكم القدر علي وفوضت امري لله بكل اموري
دخلت علينا ريم وسلمت علي وهي تبكي .
: الحمد لله على السلامه ... اجل يوم نفرح انك حامل على طول يموت
: كل شي مقدر ومكتوب ياريوم .. والله يسلم قلبك .. فين رانيا ليه ماجات
: رانيا زعلانه على البيبي وبتجي تزورك مرة ثانيه
: ياليتها جات مرة مشتاقة لها .
قالت خالتي : كلنا والله مشتاقين لك .. ويشهد الله اني بغيت ازورك كم مرة بس مهند يردني يقول ان خالك يقول ماابيها تتعب اكثر اذا شافتكم .
: صدقيني ياخالتي وانا بعيده عنكم ماكنت عايشة مع الناس .. صحيح ان خالي وهدى مدلليني ومخليني على كفوف الراحه وماينقصني شي .. بس كل مااتذكر اني بعيده عنكم وعن مهند واتذكر حال مهند وحزنه اموت من القهر .
: الله لا يقهرك يايمه .. ياديمه احنا ظلمناك ومن يوم طلعتي من بيتنا وحالنا مو حال اوادم .. مشاكل والبنات زعلانات من ابوهن مايكلمنه وهو طول الوقت معصب حاس بظلمك وقهر لولده .. ومهند عنده يسوى الدنيا ومافيها بس وش تقولين براسه اليابس .