السلام عليكم ورحمة الله وبركاته
هلا بنوتات
حبيت أعطيكم وصفة مجربة 100% مو حجي وبس
خلطة زيت تطول الشعر بسرعة وهذي خاصة للي يعانون من تساقط الشعر والخفيف
أختي يتني بيوم وقالت لي تصدقين رفيجتنا بالكلية ورتنا صورها بعرس أخوها والا شعرها يا حلوة يهبل وصاير طويل إحنا عبالنا موصلتة للأنها كانت قاصته بوي وكانت تقولنا راح أوريكم شعري بعرس أخوي ..
هم أول شي ما صدقوها ليمن فلته جدامهم وشافوه عالطبيعة أختي تحلفلي تقول والله صاير يهبل جنها مسويته استشوار وفيه لمعه مو طبيعية ...
الهم طولت عليكم........... وأنا بما أنكم عزيزات علي راح أقولكم الوصفة وأبيكم تدعولي ....
الوصفة بالضبط:
1- تجيبين أي غرشة فاضية وتعبينها زيت دلال (الذرة ) مو دوار الشمس ... أوكي
2- تعبين 2 فنجان قهوة (حلبة مطحونه ) وتفضل تكون فريش والمهم تختارين النوع الجيد منها.
3-مقدار فنجان قهوة حبة سودة (حبة البركة)
وتعبينهم بالغرشة وتنقعينهم لمدة 10 أيام قبل الأستعمال ...
بس هااااااااااا الزيت تحطينه لمدة ساعة وحدة فقط مو تحطينه بالليل علبونه تبين فايده أكثر ....بعدين تغسلينة بالشامبو عدل عشان تروح ريحة الحلبة وبعدها حطي حمام الزيت مالج ....
تقدرين تحطينه يوم وترك عشان تشوفين النتيجة بسرعة ...
والله مجرب ومضمون أنا صار لي شهر أحط منه شعري قام يطول والكل لاحظ ...
منقوله من راعيتها
الثلاثاء أكتوبر 18, 2011 11:27 am
مكاني
