زيتك المفضل

السلام عليكم ورحمة الله وبركاتة .. ياااااامرحبا باللي طبو ^_^

يا مرحبا ترحيبة البدو لسهيل واعداد ماهبت سحايب مطرها
يامرحبا يا ريحة الورد والهيل لا هبت النسمة وتطاير عطرها
كلنا نعرف فوائد الزيوت للشعر ,,

1 - تنعم الشعر 2- تكسبه اللمعان 3- تطريه 4- تطوله 5- تعطيه مظهر صحي 6- توقف تساقطه 7- تكسبه الكثافة
8 - بعض الزيوت تقضي على القشرة في الرأس 9 - تغذي الشعر وتعالج التقصف 10- طبعا ماننسى ان الزيت اذا دلكتي به فروة الرأس يساعد على تحريك الدورة الدموية وبالتالي تحفيز الشعر على النمو

وعشان يكون استخدامج للزيت صحيح وتحصلين عى نتائج زينة لازم تتعلمين الطريقة الصحيحة لوضع الزيت :

1- سخني الزيت عن طريق وضعه في حمام مائي الين ما يصير دافئ
2- حطي الزيت على فروة الرأس وابدي دلكي بشكل خفيف بأطراف الأصابع
3- تأكدي ان الزيت كله توزع على الفروة تمام <<<دائما تصيرلي هالحركة جهة تصير مزيتة و جهة لا خخخخخ
4- بعد ما تدلكين فروة الرأس وتحسين الزيت توزع زين ,, حطي الزيت على الشعر كله ,, ولا تنسين الأطراف
5- بعدين جيبي القبعة البلاستيكية ( hair cap ) تلاقونها عند محلات التجميل وحطوها على الشعر
6- جيبي فوطة ونقعيها في ماي ساخن وحطيها على القبعة عشان الحرارة تفتح مسامات الشعر وبالتالي يدخل الزيت ويستفيد الشعر <<< انا شخصيا الطريقة ذي ما تعجبيني ,, فسويت طريقة اسهل وافضل ,, تجيبين السشوار المجفف زي حق الكوافيرات وخلي الهوا الحار يجي على القبعة ,,, بتصير القبعة حارة وبالتالي بيحتر الشعر وبنفتح المسامات ^^
7- طبعا خلي الزيت على شعرج المدة اللي انتي تبينها ,, بالنسبة لي اشوف 4 الى 6 ساعات كافية ,, يومنا صغار كانت امي الله يخليها تحطه بشعورنا و ننام فيه خخخخ ولاصحينا غسلناه,,

طبعا السوق مليان زيوت للشعر ,, طبي وتنقي ,, ماخلو شي ما سوله زيت خخخخ,, أختاري الزيت اللي ترتاحين له ,,
في زيوت اثبتت فعاليتها علي وعلى العائلة الكريمة مثل :

1- زيت دابر أملا : معروف انه يطوووووووول الشعر
2- زيت الخروع
3- زيت جوز الهند <<< زيت الهنود المفضل

وهذي بعض الزيوت وفوئدها :
زيت الخروع : مفيد ومغذي للشعر ويساعدعلى اطالة الشعر واستخدامه بشكل يومي للرموش يزيد من كثافتها.

- زيت الجرجير : مفيد ومغذي للشعر بالذات الجاف...

- زيت اللوز : من افضل انواع الزيوت المفيده والمغذيه والتي تعطي لمعة للشعر بعد الحمام..

- زيت النخاع : مفيد ومغذي ويطول الشعر..

- زيت جوز الهند : معروف بفائدتة

- زيت الصبار : من افضل الزيوت المفيده للشعرويدخل في خلطات كثيرة للشعر

- زيت السمسم : مغذي ومفيد لإطالة الشعر..

- زيت اكليل الجبل : مغذي للشعرويمنع التساقط

- زيت دابر املا : مغذي ومطول لكن مع الاستعمال يغمق لون الشعر

- زيت الذره : خفيف جدا ويسهل امتصاصه الفروة مغذي جيد ومفيدة ويساعد على إطالة
ونعومة الشعر ومنع التقصف

- زيت دوار الشمس : زيت خفيف جدا للشعر كعناية وتغذيه ورعاية

- زيت دابر املا : من الزيوت الغنيه عنالتعريف في الاطاله والتكثيف ، ومن مميزاتها
اعطاء الشعر لون اسود جميل وايضا براق..


بعض النصائح مني لشعر صحي <<< أخص
1- شعرج هو تاج جمالج لاتهملينه ,, ولاتنسين ان ابو الشباب يموت بالشعر
2- اذا كنتي تعانين من تساقط شديد وجفاف سوي تحليل دم لانه يمكن يكون معاج فقر دم و يكون اهو اللي مسبب لج تساقط
3- الله الله بالخضراوت والفواكة << علمي نفسج الاول
4- الماء الماء الماء الماء الماء الماء,, اشربي في اليوم لا يقل عن 8 كاسات ماء
5- لاجيتي تغسلين شعرج,, جيبي شعرج على قدام واغسليه هالطريقة تخفف تساقط الشعر
6- ما بين كل فترة وفترة ,, مشطي شعرج على قدام ,, خصوصا اذا كان فيج صداع,, سبحان الله هالطريقة تخفف التساقط ,, وتحرك الدورة الدموية ,, وتخفف الصداع ,, وبتلاحظين لارجعتي شعرج على ورا بتحسين برااااحة << جربوها مارح تندمون
7- ابتعدي عن الأصباغ ,, الصبغة مذبحة الشعر
8- كل فترة قصي اطراف شعرج المتقصفة
9- اغسلي شعرج بشامبو الأطفال ,, أحسه خفيف على الشعر وماله ضرر
10- ابتعدي عن العصبية الزايدة والتعب النفسي لانهم سبب رئيسي في تساقط الشعر وفقدان حيويته

وأخيرا ,, اتمنى تستفيدون من الموضوع,, ولاتنسون العيد مقبل والأفراح جايه ولازم تكونون بأبهى صورة عشان المعاريس ينهلون عليكم
ويلا كل وحدة تقول لنا وش زيتها المفضل ,,

و جزاكم الله خيرا وحفظكم أينما كنتوا ,, ^______^ <<<ابتسامه عريضة لكم

يعطيكـ العــافيه

طرح رائع ومفيد

لكن هذي المعلومه غلط انا مجربتا وسبق وقراءتها في مجلة لها

- اغسلي شعرج بشامبو الأطفال ,, أحسه خفيف على الشعر وماله ضرر

بالعكس يسبب جفااااااااف مو طبيعي للشعر وغير كذا المعلومه اللي بالمجله

تقول لا تصدقي ما تكتبه لكـ الاعلانات عن شامبو الاطفال << لكي ولطفلكــ

مصنووووع خصيصآ للاطفال المواليد لازالة القشره ما بعد الوالاده من رؤوسهم

وسلاااامتكـ حبيبتي