ملف شامل للعناية بالجسم والشعر ..

كيف الصبايا اخباركم واخبار التلطخ بالخلطات معكم
اكيد مثلي الاعمال قائمه لكن الحمد لله قربنا نشطب
وهني حبيت اشارككم خلطاتي على وعسى نشطب سوا

صراحه انا عهدي حديث بالعنايه والخرابيط ايام الثانويه يا دوب فرشه ومعجون و حمام سريع
الا وانا مصدقه نفسي ( على ثانويتي كانت هي اللي ماكله الجو )
ما كنت بحاجة عنايه والحمد لله

لكن بعد الزواج والانجاب والتعرض للقليل من عوامل التعريه والارهاق و الهالات السوداء

قررت اني ابطل تشكي وانا كنت وكنت وما كنت كذا ..... وارجع مثل ما كنت
قبل سنتين بديت بحثي عن الحلول وبديت الخبط واخلط واجري التجارب على نفسي
احيانا كانت مرضيه واحيانا كانت كارثيه
و اليوم و الحمد لله بفضل ربي ثم العنايه و المداومه عليها
رجعت مثل ما كنت بنسبة 94 %
حلو الف الحمد والشكر ( وصلت لمرحله افكر فيها الليزر والجراحه والموضوع مو
مستاهل )

* تخلصت من سمار الاماكن الداكنه ( مثل المناطق الحساسه , الابط , الركب
ومفاصل الآصابع )الفرق بينها وبين جسمي درجه وحده بس والحمد لله

* تخلصت من اثار الحبوب ( قبل فتره جاتني حصبه و الله لا يوريكم مأساه )

* خفت كثير العلامات البيضا اللي سببها الحمل وزيادة الوزن وفقدانه

* خففت وزني حوالي 14 كيلو خلال 8 او تسع شهور

و لأخذ العلم انا بشرة جسمي عاديه ووجهي مختلطه و شعري عادي لا جاف ولا دهني
يعني بعض الاشياء اللي ناسبتني ممكن ما تناسب غيري ( ما ابي احد يدعي علي
القصد انكم تستفيدون ان شاء الله

واهم شي خلي عنايتك ظمن روتينك اليومي وين ما كنتي ومهما كانت ظروفك
ولا تجلسين تترقبي النتايج كل شوي عطي نفسك كحد اقصى شهر لكل خلطه عشان تبان
نتايجها

رح احط لكم جدولي
وبعدها شرح اللي فيه بالتفصيل ثم الاشياء الجانبيه
الخلطات والماسكات وصور المنتجات اللي استخدمها
ما رح اتكلم عن شي الا وانا مجربته
عشان اقدر افيدكم مظبوط

هذا النظام انا مطبقته لمدة شهرين ومازلت مستمره ما عدا الدلكه توني جربتها قبل اسبوع و اعتمدتها

الاسبوع الاول من الشهر

رح ابدأ بيوم الثلاثاء لانه حسب اللي يناسبني والوقت المتاح عندي

الثلاثاء : دلكه + ( للشعر ) فاشكول + مايونيز
الاربعاء : ازالة شعر الجسم
الخميس : خلطة الزبادي والشوفان
الجمعه :خلطة الزبادي والشوفان

الاسبوع الثاني من الشهر

الثلاثاء : حمام مغربي + ( للشعر ) فاشكول + مايونيز
الاربعاء : ازالة شعر الجسم
الخميس : خلطة الزبادي والشوفان
الجمعه :خلطة الزبادي والشوفان

الاسبوع الثالث من الشهر

الثلاثاء : مويه دافي + صنفره + ( للشعر ) فاشكول + مايونيز
الاربعاء : ازالة شعر الجسم
الخميس : خلطة الزبادي والشوفان
الجمعه :خلطة الزبادي والشوفان

الاسبوع الرابع من الشهر

الله يكرمكم اسبوع الدوره
مجرد استحمام عادي ما احب اطول في المويه مو كويس للوحده تتعرض للماء البارد او البروده بشكل عام وقت الدوره
سواء بنت او متزوجه

نجي للتفصيل

الموديل الاول سوري
قصدي الاسبوع الاول دلكه
وهذا رابط الموضوع اللي فيه التجربه كامله ( اقرو الردود البنات ما قصروا وحطو تجاربهم كمان )

مقادير الدلكة والطريقة

والمقادير كالآتي

كوب كبير أرز مطحون
نص كوب عدس مطحون
ربع كوب ترمس مطحون
قشور ثلاث برتقالات وليمونه مجففه ثم نطحنها

ملعقة كبيره زيت زيتون
ملعقة كبيره زيت لوز مر
حبه بطاطا كبيره مسلوقه او ثلاث زغار
حبتين جزر مسلوقه
كوب ماء ورد ( عاد انا اتوهقت ما كان عندي الا نص كاسة شاي بس )
ملعقتين كبار دقيق ابيض عادي
عصير نصف ليمونه
ملعقه مسك مطحون نااعم

الطريقه

انا جمعت الاغراض الجافه وطحنتها ما عدا المسك وحطيت نصها في كيس وقلت اجرب على نص واذا ما اعجبتني اجرب شي ثاني

سلقت البطاطس و الجزر وبعدين هرستها ثم حطيتها في قدر وخلطت عليها المقادير الجافه مع مكعب مسك مطحون ناعم ثم اظفت لها كوب ماء ورد وملعقتين
دقيق ابيض عصير نصف ليمونه وحركتها على نار هاديه الى ان تجانست المفروض تكون اطرى شوي من اللي في الصوره

بعد كذا ( بطنيييييييي )

حطيتها في علبه جافه ونظيفه بعد ما اخذت منها اللي يكفيني اليوم وعلى طول حطيتها في الثلاجه
كذا كان شكله

الطريقه اللي سويتها
اني دخلت اكرمكم الله دورة المياه وحطيتها على جسمي كله من وجهي الى قدمي مرورا بــ.....

وجلست ادلك جسمي في البدايه حسبت اني توهقت عاد مسكت في جسمي ولا بدت تتساقط

لاكن اختكم عصاميه

تقريبا 10 دقايق وانا ادلك وجهي بعدين ذراعتي و انزل شوي شوي وانا ادلك الى تحت

يوم رجعت لوجهي من جديد الا وهي بدات تتساقط واطالع في المرايه
وكأنها بشره ثانيه ظهرت من تحت بشرتي

استمريت ادلك الى ان تساقطت كلها عن جسمي بعدين غسلت بمويه بس
ودهنت جسمي بلوشني المفضل من جرجنز
وبعده تبخرت

ازالة الشعر

اه بس كم عانيت الين وصلت للشي اللي يناسبني
الموس (زفت ) يجيب سواد وغير كذا يطلع الشعر بسرعه
الحلاوه ما ناسبت بشرتي وما تصلح الا لمن يطول الشعر
الة بروان راس الحلاقه عملي وسريع لكن ما يعطيكي النعومه اللي تبغيها
الة بروان راس النزع ما يصلح اذا طال الشعر يصير مؤلم
( اعذروني حتكلم بصراحه شوي )
للمنطقه الحساسه جربت معجنون الاسنان مع الحلاوه لكن حسيته مؤلم بالنسبه لي ولازم يكون الشعر طويل اذا حبيتي تسوين بالحلاوه
في اصابعك وتشيلين زي الملقط ( اللي متزوجه صعب تخليه يطول )
واذا كان الشعر قصير واخذت في ايدك زي قطعة العلك وشيلتي كويس لكن في اماكن ما تنشال مضبوط

وبعد التجارب وصلت للتالي

صورة العده اول

كنت عند اهلي وخليته الشعر يطول شوي ( حاسه اني رح انطرد من المنتدى ) [img] اقدر امسكه باصابعي

وجبت رماد ( اهاه رمـــــــــــاد )و فركت المنطقه اللي فيها شعر اللين حسيت انه اصبح خشن شوي وبعدين نزعته بايدي
الرماد يقلل الام بنسبة 90 % لكنه يا خذ وقت طويل اخذ مني ساعتين شعره شعره

ميزته يتاخر نمو الشعر يعني الحمد لله اخذت شهر وما طلع الا شوي ومتفرق
وبعده صرت اشيل بآلة بروان برأس نزع الشعر مو الحلاقه الالم خفيف لان الشعر قصير و مفرق اللي تخاف تستخدم اللي راسه
ازرق مكتوب للوجه يا خذ شعره شعره وما يعور شدي الجلد بإيدك وبالثانيه شيلي بالآله
للجسم برضه آلة بروان واحيانا شرائح فيت سريعه وعمليه واقصها حسب الحجم اللي ابيه
للوجه استخدم الملقط هذي مدري كيف با اشرحها
امسك الملقط من الطرف الي يفك ويقفل ( حلوه ذي ) ويكون ملامس لوجهي
باليد الثانيه اشد الجلد واطلع وانزل بسرعه بالملقط وانا افتحه واقفل في نفس الوقت
هذي الطريقه احسن من التشقير لانه يزيد الشعر
والحلاوه ترهل البشره
والشمع يحسس هذا كله بالنسبه لي
بعد ازالة الشعر
للجسم ادهنه بزيت زيتون يخفف نمو الشعر ماعدا الوجه والمنطقه الحساسه اول يوم كينا كومب وثاني وثالث يوم كريم سودو
وهذي صورهم

نجي لخلطة الزبادي والشوفان انا سميتها كذا
شفتها في النت وهي للوجه بس
بس انا اعجبتني وحطيتها لجسمي كله وانا استخدمها لمدة يومين بعد ما اشيل شعر جسمي

المقادير
عصير ليمونة واحدة
عصير برتقالة واحدة
2 ملعقة كبيرة شعير مطحون (الشوفان)
1 علبة زبادي
قليل من النشا (( تقريبا ملعقة شاي صغيرة))
صفار بيضة
1 ملعقة صغيرةعسل نحل

اخلطها مع بعض واحطها في حافظه في الثلاجه
لما اجي استخدمها اخذ منها شوي بالملعقه اللي يكفيني واخليها برى تدفي شوي ( وحده
متعقده من البرد )
لانها مواد طبيعيه ما استخدمها في الحمام
في اي غرفه في البيت افرش سفره بعدين احط الخلطه على جسمي كله تقريبا عشر دقايق
وتجف
بعد كذا افركها الين تطيح كلها من جسمي
اروح دورة المياه واخذ دش عادي و بعده ارطب جسمي
والحمد لله من يوم استخدمتها نسيت شي اسمه حبوب او شعر تحت الجلد ( بعد الحف )
ومع الوقت تفتح الجسم بشكل ملحوظ

وهذي صورتها

الحمام المغربي

ابلل جسمي بمويه دافيه
او ادخل الساونا
احط الصابون المغربي على جسمي وادلكه واخليه حق خمس دقايق بعدها اجيب الليفه المغربيه
ابللها بالمويه وافرك جسمي بحركات دائريه
اشطف بمويه دافيه بعدين اغسل جسمي بصابونة الطاووس
اشطف بمويه بارده وبعدين ارطب اما بلوشن او زيت جونسون

طريقتي شوي احسها غريبه لكني مو محترفه مغربي مع الايام حتيجي الخبره

هذي صورة المغربي مع شلة الصوابين

دوف لوجهي استخدمها يوميا
واحيانا لجسمي حلوه ما تنشف البشره

الصفرا المستخبيه ورا الدوف هي صابوونه الطاووس المغربيه

والخضرا المستخبيه وراهم صابونة فيرجنتي بتاعة المناطق الحساسه
استخدمها يوم ويوم لا ( شفتو جليلين الحيا ما فوقهم كرتوناتهم ما عندهدم وقت )

وسائل الاستحمام من شركه اسمها امبريال لذر ريحته حلوه وهاديه

فيه صابونه بعد من الشركه تنشففففففففففف البشره حيل انا ما ناسبتني ( يمكن تنفع
اصحاب البشره الدهنيه ) ما ادري

مغطس الميه

املي البانيو مويه دافيه احيانا اضيف له كاسة شاي خل تفاح ( لشد البشره )
اجلس فيه 20 دقيقه
لما اطلع من المويه اليف جسمي على خفيف باي صابونه احبها بعد كذا اجيب الصنفره وفوق
الرغوه

احط على جسمي كله ووجهي وبعدين اشطف بمويه بارده و ارطب بلوشن او زيت جونسون

هذي صورة الصنفرات (يصلح اقول صنافير )

صنفرة العروسه ما جازت لي مو على مدحها اللي يقولونه ( تخليك قشطه و ما بعرف شو )
صنفرة كريم كاب حلوه استخدما اذا ما سويت بانيو ( يمديكم على الكلمه )
احطها وجسمي جاف وبعدين افركها
ملح الحليب يوكو سبا روووعه ما يحتاج
له كلام استخدمه على حسب المزاج
اللي في الاخير صنفرة مشمش عاديه ( مش حالك )
اللي في الكرتونه بيكربونات الصودا ( يا كثر ما كنت اسمع عنها )
بس يوم جربتها اعتمدتها على طول صراحه تخلي الركب و الاكواع نااااااااااعمه و تفتحها
بشكل ملحوظ رح اتكلم عنها بعدين بشكل مفصل

الشعر

مره في الاسبوع اسوي له حمام زيت زيتون
والمره الثانيه اخلط ملعقتين فاشكول مع ملعقه مايونيز واحطها في شعري

اغسل بهيد اند شولدرز ( ماناسبني غيره على كثر ما جربت )

بعد ما اغسله وهو باقي مبلول امسحه بشوي باراشوت

[/center]

العنايه اليوميه

الوجه

في الليل اغسل بدوف بعدين احط فير اند لفلي وتحت العيون امسح مسحه خفيفه من
زيت جنين القمح ( حلوووووووووو جدا للهالات السودا بما اننا مستحيل ننام بدري )
في الصبح كمادات بارده تحت العين وهي عباره عن منديل جونسن حق الاطفال ابلله بمويه وا
حطه في الفريزر بعد ما يثلج احطه تحت عيوني شوي و الفه على اصبعي واسوي تدليك خفيف
لوجهي كله

خلال الاسبوع اسوي ماسكات على حسب المزاج والمناسبه

ماسك العسل والدقيق ( شفته في شمواه وما ادري من اللي حطت الموضوع بس الله يجزاها
خير عليه )
احط عسل على وجهي بس ما اكثر عشان ما يلزق
لمدة عشرين دقيقه
بعد كذا اجيب دقيق عادي واطبطب فيه على العسل لحد مايمسك
ثم افركه لحد ما يتساقط كله
اغسل بمويه بارده و ارطب وجهي بكريم اولاي حق النهار

ماسك الزبادي و الليمون
ملعقتين زبادي مع ملعقه صغيره ليمون اخلطها كويس
اخليها لحد ما تنشف
ثم افركه لحد ما يتساقط كله
اغسل بمويه بارده و ارطب وجهي بكريم اولاي حق النهار

ماسك الرز ( ماسك من شرق اسيا )
طحنت رز لحد ماصار ناعم وحطيته في علبه
وقت ما صنفت عندي
اخلط حق ملعقتين مع شوية مويه واحطه على وجهي
افركه على خفييييييييف لحد ما يتساقط
اغسل بمويه بارده و ارطب وجهي بكريم اولاي حق النهار

ماسك البيض
افصل البياض عن الصفار
اول شي حنستخدم البياض نخفقه بملعقه لحد ما يطلع منه رغوه
ينحط على الوجه
بعد ما ينشف
يغسل الوجه ويجفف
نجيب الصفار ونمده على الوجه
بعد ما ينشف
اغسل بمويه بارده و ارطب وجهي بكريم اولاي حق النهار
بعد كذا امرر ثلجه على وجهي

جربت ماسكات كثير لكن هذي احسن شي
تشوفي صفاء فوري في البشره ومع الوقت تفتح البشره
( اللي ما تحب تفرك الماسك عن بشرتها او بشرتها حساسه تجيب منشفه ناعمه مبلله مويه
وتمسح الماسك )

للركب و الاكواع

منشفه مبلله احط عليها بيكربونات الصودا
وركبتي تكون مبلوله وافرك فيها ( حتشوفي لون بني يطلع في المنشفه )
رح تحسي بنعومه من اول مره التفتيح رح تلاحظيه خلال ثلاثه ايام
اغسل بمويه واجفف زين بعدها اخلط شوي من كريم الدوكين 4 مع الدبروساليك على كفي
واحطه للركب و الاكواع ( هذا في الليل )

في النهار احط كريم
بيبانثين

للابط

امسح بقطن فيه اسكينول(حبيب الكل )اجفف بعدها مسحه خفيفه من كريم الدوكين 4

المنطقه الحساسه

امسحها بقطن فيه اسكينول يوميا

يوم ويوم لا اغسل بصابونة فيرجنتي
مرتين في الاسبوع امسح بعد الاسكينول بالخلطه التاليه
نص كاسة شاي ديتول الشخصي + كاسة شاي ماي ورد + كاسة شاي ماي دافي مذاب فيه
قطعة مره ( العلبه اللي في اليسار )

اهم شي للبشره الترطيب ثم الترطيب ثم الترطيب

هذي شلة المرطبات ( آيس كريم )
تناسب بشرتي لانها عاديه

ريكسونا مزيل العرق المفضل عندي استخدمه في النهار بس

وهذي مرطبات الشفايف

افضل شي وما استغني عنه مرطب بيزلين ( الاصفر ) خراااااااافي
لا بيلو بالكرز حلو ( يعجبني طعمه )
اللي من بالمرز استخدمه قبل الروج لانه موثقيل
الباقيه عاديه

الاسنان والفم

فرشه متحركه من اورال بي
مضمضه
معجون سيجنال ( سألت اخصائية اسنان عن افضل معجون وقالت لي سيجنال الاصلي اللي
في الصيدليات و سنسوداين )
خيوط اسنان
معطر للفم ( حاولت اوضح الاسم لكن الكاميرا مو قد كذا ) هي حبوب مكتوب على العلبه
( حبوب الشاي الاخضر بالنعناع )

وهذي اقرب للحبوب مع خيوط الاسنان

مره في الاسبوعين ادعك اسناني بالليمون عشان التبييض

خلطااااااااااااااات راااااااااائعه

خلطة الرموش
يمديكم على العلبه اسحب اللي قدامي و اخبص فيه قبل اهون

الله يجزي صاحبتها الف خير خلطه خياليه
بعدها استغنيت عن الماسكارا في المكياج الخفيف و في الصباح
ما احط ماسكارا الا في الزواجات لانها خلت رموشي كأنها تركيبه ماشاء الله تبارك الله
وهي عباره عن
ملعقتين زيت حبه البركه ( الحبه السودا )
ملعقه زيت خروع
ملعقه صغيره عسل ( ما احطها دايم )
ملعقة نواة تمر محموص امها وابوها لين قالت امين ومطحونه ناعمه جدا
اخلطهم في علبه و كل يوم قبل انااام بفرشة ماسكارا نظيفه احط على رؤوشي ( لزوم الدلع )
رووووووووووووعه

خلطه للخطوط الحمرا والبيضاء ( الاسترتش مارك )

كاسة شاي زبدة الكاكاو من بالمرز
كاسة زبدة شيا خام ( انا ما كان عندي حطيت من لوشن جرجنز بزبدة الشيا )
نص كاسة شاي زيت جنين القمح
نص كاسة شاي خل تفاح
( خل التفاح ما انخلط معها بسهوله عشان كذا حطيتها في الماكروويف لحد ما سا حت
وجلست احرك فيها الين تجمدت وا ندمجت )
يوميا في الليل احط على اماكن الخطوط البيضا
في النهار اغسل و احيانا امسح مكانها بمنديل جونسون

خلطة الحنا و السمسم للشعر ( حلوه جدا لاصحاب الشعر الجاف )

هذي وقفتها قبل فتره لاني صبغت شعري
تطول وتنعم وتوقف التساقط ( ليتني ما صبغت كان رجعت اسويها )
تعجنين حناك العادي اللي مرتاحه عليه
ثم تضيفين له ثلاث فناجين قهوه سمسم محمص ومطحون ناعم
تخلطينهم زين وتخلينه ساعه يرتاح
تحطيه على شعرك لمدة اربع ساعات ثم يغسل بالماء
ثاني يوم يغسل بالشامبو

الجلسرين السايل و الليمون

يحافظ على البياض وسهل مره
تلطخي فيه
بعد ساعتين اغسليه ( مفيش اسهل من كده )

خلطة بياض الثلج

جوجلوها الله لايهينكم
هذي اسميها خلطة النفاس
اسويه نهاية الاربعين مدة اسبوع وارجع عروووووووس

خلطات الله لا يردها

كثير ما كن منها فايده لكن اكثر شي فاقعن تسبدي
الخلطه اللي فيها الشيرلي و منيرفا و الكيلي والخرابيط الباقيه
انا سويتها لركبي مع انه ما كان عندي ذاك السمار ( لكن الطمع ايش اسوي )
تفتح في البدايه لكن بعدين قلبت ركبي مثل ركب الجمل ( روحوا اقرب بعير وتفهمون قصدي )
من جد زفت تعدم البشره

خلطة الكيلي وكريم الحساسيه الاخضر ( حماتي كانت تستخدمها )
مسكينه فتحت بشرتها لاكنها بشرة وجهها صارت رقيقه تشوفين عروقها من وراها تخوف الله
يعينها والله اني نصحتها يوم سمعت انها مضره لكنها ما ردت علي

خلطة زيت الزيتون والنشا وموية الورد للمناطق الحساسه
جلست عليها اسبوعين وما شفت اي افايده

طريقتي في تخفيف الوزن

الرجيم عمري ما اعترفت فيه ( وحده تحب الاكل ) مو بيدي
انا قبل الحمل كان وزني 40 كيلو
في الشهر التاسع 61 كيلو
بعد النفاس 68 كيلو
طولي 157 cm
الحين والحمد لله 51 كيلو
ايش سويت عشان اخفف
المشي : امشي ساعتين في البيت احط الام بي فور وادخل جو
يا اما امسك غرفه واجلس رايحه جايه
يا اما عند اهلي في الحوش ( احيانا كنت اسوي الرياضه Tae Bo لكن عمليتين قيصريه وفتق والتواء بالكاحل )
( وش بقي) خلتني اكتفي غصب بالمشي
شرب المويه بكثره : حطيت في كل مكان اجلس فيه عند المكتب عند السرير في كل مكان
علبة مويه صغيره وهات يا شرب
مقاطعة الغازات مثل الببسي وغير ه : صرت ما اشرب الا عصير طبيعي
الاكل خففت الرز والكبسات : وكثرت الخضار المسلوقه في الاكل واستبدلت القلي بالشوي
وآكل فواكه بين الوجبات
وسلامتكم

اخر شي هذي حاجتين ما استغني عنها

مناديل جونسون للاطفال
استخدمها في الايام اللي اكسل اغسل الخلطات امسحها وامشي حالي
برضه استخدمها لازالة المكياج روعه وما تحسس
مزيلات المكياج تجيب لي حساسيه خاصه في منطة العين وما حولها
ثاني شي هذا ما يطلع من الشنطه اسمه puresoft مرطب و معقم في نفس الوقت
منعش ولزوم الوسوسه

جزاها الله خير الجزاء صاحبة الموضوع وجعلها في موازين حسناتها

وااااااااااااااااااااو يسلمو حبيبتي على الموضوع الرااااااائع

يعطيك العافية عزيزتي اكليل الورد

يسلموو يالغلا موضوع رائـع

» وصفات هندية للعناية بالشعر
» وصفة للتخلص من الترهلات بالجسم
» الفجل الابيض وفوائدة للبشرة والشعر *
» استغفار شامل ..
» ملف شامل لمشكلات الاطفال..