الفتاة الذكية

ملك .. سأل الشعب .. سؤال وقال اللي يجاوب عليه صح

......!!

راح اعطيه فلوس مره كثير وكل شي يبغاه

والسؤال

ايش اكثر شي وايش اكبر شي؟؟؟؟

راح الخادم على بيته وقاعد يفكر

جته بنته وقالتله ايش فيك؟؟

قالها..الملك اليوم سال سؤال وقال الي يجاوب عليه اعطيه فلوس وكل شي يبغاه

وانا مو عارف الاجابه

البنت ايش السؤال؟؟؟

الخادم..ايش اكثر شي وايش اكبر شي؟؟؟

البنت,,روح عند الملك وقله اكبر شي ارضك واكثر شي

مالك

راح الخادم عند الملك وقاله ..ياملك لقيت الاجابه

قال الملك..تفضل

الخادم اكبر شي ارضك واكثر شي مالك

الملك مين قلك الاجابه؟؟

الخادم بنتي...

الملك

طيب روح قلها

لابسه وماهي لابسه

ماشيه وماهي ماشيه

وهديه ولا مو هديه

الخادم راح لبنته وقلها الملك يقولك

لابسه وماهي لابسه

ماشيه وماهي ماشيه

هديه ولا مو هديه

البنت

طيب روح جيب لي شبكه وغنمه ولحه

استغرب الاب من الطلبات

بس راح جابها

لبست البنت الشبكه وركبت الغنمه ومسكت اللحمه وراحت عند الملك

وقالت له ياملك انا لابسه شبكه مو لابسه

وماشيه بس مو على رجولي على الغنمه

وهذي لحمه انت تعبرها هديه

ولا مو هديه

الملك اعجب بذكاء البنت وقالها

تتزوجيني؟؟؟

اتزوجت البنت الملك وعاشو بثبات وبنات وخلفو صبيان وبنات

المهم

وبعد مرور سنين

كان في خادم من الخدم اعطاه الملك حصان هديه

وفي يوم نام الخادم ونسي ياكل الحصان فهاج الحصان

فجاه الملك وطرده وقاله هات الحصان وروح

راح الخادم وهو زعلان

شافته الملكه وقالتله ايش فيك

قالها الملك طردني واخذ مني الحصان

قالتله الملكه خذ صناره واقعد اصطاد على العشب بالحديقه

واذا جاك الملك وقالك وش تسوي قله اذا انت مارزقتني ربي يرزقني

سوا الخادم زي ماقالتله الملكه

وجاه الملك وقاله ايش تسوي

الخادم اذا انت مارقتني ربي يرزقني

قاله الملك مين قالك تقول كذا

قاله الخادم الملكه قالتلي

عصب الملك

وطفش من ذكاء البنت

وراح لها

وقالها..شوفي يابنت الناس لمي اغراضك وروحي على بيت اهلك بس قبل لا تروحي سويلي شاي و شيلي اغلى شي عندك

قامت البنت سوتله شاي وحطت فيه منوم

المهم صحي الملك ولقى نفسه في بيت الخادم ابو البنت

وقال الملك ايش جابني هنا

البنت قالت مو انت قلت اروح بيت اهلي واخذ اغلى شي عندي

انت اغلى شي عندي

مشكوووره على القصة الجميلة

نورت موضعي
جزاك الله خيراً