تحدي بين عجوز وابليس

بسم الله الرحمن الرحيم

السلام عليكم ورحمة الله وبركاته

ان كيدهن لعظيم........تحدي بين عجوز و ابليس
اقرو هالقصه ................... واحكمو .................... قصه من الاف القصص عن كيد النساء الي ما راح ينتهي الا بنتهاء الحياه .............. ما اطول عليكم اقرو القصه .

كان فيه أمراة عجوز قاعدة بروحها
وفجأة طلع لها ابليس ………(لقافه ….يبي يتحرش ) العجوز خافت وسمت بالرحمن …قالها ابليس :أنتي يا عجوز هل تعتبرين نفسك داهيه؟؟؟؟
العجوز: نعم أنا داهيه ……….. والنساء عموما كيدهم عظيم
أبليس: أنا أتحداك……..وبنشوف مين كيده أعظم …..المرأة ولا أبليس
العجوز :خلاص أنا بسوي مشكله وأنت راح تحلها واذا ما قدرت أنا راح أحلها
وراح أفوز برهان.
أبليس:Ok

راحت العجوز حق لواحد من هالبطاليه اللي ما عندهم شغل ويا كثرهم
وقالت أنا بشغلك عندي فترة معينه بس……. اذا تبي فلوس لا تتدخل ولا
تتكلم .(وافق الشاب لأنه طفش من البطاله ويبي فلوس ).
راحت العجوز ومعاها الشاب لمحل قماش وقالت له أنتظرني عند باب المحل …دخلت المحل وخذت قماش غالي وراحت تكاسر تاجر القماش
العجوز: رخص يا بن الحلال …
التاجر :اذا أنتي ما عندك فلوس أخذي شيء أرخص
العجوز : ما أقدر ….لازم ولا يصير شيء ما صار
التاجر :ليش ؟؟ …..لهالدرجه …..وش القصة ؟؟
العجوز:شفت الشاب اللي واقف عند باب المحل ..هذا ولدي ..يحب له وحده متزوجه وهي تحبه ولما تتطلق من زوجها …ولدي بيتزوجها
وهو قالي أن عارضتي الزواج بأطردك من البيت وأمرني أني أشتري قماش
غالي عشان يعطيها حبيبته ولا راح يطردني من البيت مع أن البيت بالأساس
بيتي ولكني غلطت وكتبته بأسمه(العجوز تبكي)
التاجر: خلاص هونيها وتهون والله كسرتي خاطري ….خلاص أنا بأعطيك القماش ببلاش….وعسى الله يواجرني
العجوز طلعت مستانسه وقالت حق الشاب روح البيت
بعدها راحت العجوز لبيت زوجة تاجر القماش وطقت الباب وطلعت الزوجة
العجوز:آآآآآه يابنيتي أنا تعبت بالطريق و ما أقدر أكمل ممكن أقعد عندك أرتاح
خمس دقايق .
رحبت الزوجة ودخلتها وأكرمتها وجابتلها شاي
العجوز:مشكوووووورة ما تقصرين ان شاءالله أردها لك في الأفراح .... و نست قطعة القماش (تعمدت تنسى القماش ) وطلعت.
الزوجة:حرام نست قطعة القماش …أكيد بترجع بعد شوي وتاخذها
بروح أحطها بالدولاب..

تاجر القماش رجع لبيته وتغدا ذاك الغدا السنع ونام شوي .قام العصر وفتح الدولاب بغير ملابسه عشان يروح محله ……مفاجأة لقا قطعة القماش
وعرف أن المرأة اللي يبيها ولد العجوز هي زوجته يعني تخونه
قام عليها وطقها وطردها بالشارع بالهدوم اللي عليها.

العجوز كانت تنتظر هاللحظه في أخر الشارع فراحت لها تركض
العجوز: وش فيك يا بنيتي ليش تبكين؟؟؟
الزوجه : زوجي طردني …وما عطاني فرصه أتكلم .
العجوز: خلاص أنا بأوديك بيتي وأنا بروح أحل المشكله
راحت العجوز لبيتها ودخلت الزوجه في غرفة بينما الشاب كان في غرفه ثانيه وأمرته أنه ما يطلع منها .
راحت العجوز للشرطه تبكي وتقول :كنت قاعدة في بيتي وفجأة دخل
رجل ومعه مرأة وقعدوا في بيتي حاولت أطلعهم ما قدرت (أحتلوا بيتي )
ذهبت الشرطه وقبضت على الشاب والزوجه ….وحطوهم بالسجن.

العجوز: ها ها وش رايك يا أبليس ؟؟ دورك اللحين حل المشكله
أبليس : لا لا ما أقدر أحلها السالفه تشربكت مرررررررة
العجوز: أنا راح أحلها وكأن شيء لم يكن . وراح أربح الرهان

راحت العجوز تزور الزوجه بالسجن وقالت لها :أنتي ساعدتي مرة
وأنا اللحين بأساعدك …..يلا ألبسي عباتي وغطي نفسك وأطلعي من السجن كأنك أنا وأنا بأقعد مكانك.
الزوجة:مشكووورة ….لكن أنتي ؟؟؟
العجوز: مالك شغل مثل ما طلعتك بطلع نفسي.

تمت عملية الهروب بنجاح….

القاضي أمر الحراس يحضرون المسجونين عشان يحكم عليهم
حضرت العجوز والشاب وقال لهم القاضي :ليش قابضين عليكم وش مسوين؟؟
ردت العجوز:احنا ما سوينا شيء كنا قاعدين في بيتنا أنا وولدي ولا الشرطه
طابه علينا وماخذينا للسجن .
عصب القاضي وهزأ الشرطه وما عطاهم فرصه يتكلمون ويقول:غلطانين وتبون تتكلمون.شين و قواة عين
طلعت العجوز من القاضي مستانسه وعطت الشاب فلوس وأنهت خدمته عندها.
راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من كثر التعب نست قطعة القماش عندها وأن زوجته بريئه
وقالت خذ قماشتك لأن ولدي سافر هو و زوجته الجديدة.
رجع التاجر زوجته وتأسف منها و راضاها بعد.

العجوز : وش رايك يا أبليس أنا فككت السالفه سهله
أبليس :أنتي ربحتي ….يما………يما أن كيدهن عظيم (إنحاش وهو خايف)

بس مو كل الحريم

اعجبتني واتمنى تعجبكم

إن كيدكن عظيم مشكوووره على القصة الجميلة تقبيلي مروري

مشكور على المرور الجميل

» تحدي بين عجوز وابليس هع هع هع توسع الصدر
» جدة عروس أم عجوز.....
» عجوز فالتها .........
» تحدي ؟؟؟
» عجوز منتهيه صلاحيتها