مكياج ماك دمار للبشرة

السلام عليكم
هذه رسالة وصلتني على الايميل وحبيت افيد بيها كل اخواتي الحلوات في المنتدى مكياج ماك دمار للبشرة Gdance

*من غير لا أزيد فيه ولا أنقص والله يشهد علي

السلام عليكم بنات ..

انا مصدومه صدمة العمر مكياج ماك دمار للبشرة Crazy

صارلي اسبوع راجعه من ميونخ وبسولف لكم شنو صار:

انا حامل بالسادس قبل لا اسافر بيومين بشرتي بدت تتعب حيل اطلعتلي على اليمين واليسار بخدودي بقعتين حمر نفس هايدي الباباي مادري من شنو رحت بو حمره قالي اغزيما من الحمل وبنفس الوقت انا مغيره بودره الاساس وشاريه بودره ماك ستيديو fix المهم بالسفر ومع استعمال البودره اليديده البقعتين صاروا كأنهم حرق ؟؟؟ رحت دكتوره جلديه بميونخ والله قامت تهزأني وتصارخ علي يوم سالتني شنو نوع المرطب مع الفاونديشن اللي احطه ماااااااااااااتت يوم درت (ماك) قالتلي ماركه ماك (مليئه بزيوت الشحوم)!!!
اصلا هالماركه للممثلين وللتصوير والكاميرات لأن هالماركة دماااااااار للبشره محتوياتها من اثقل انواع الميك اب لانها تحتوي على شحوم ومن التخلف ان الوحده تستخدم هالماركه للاستعمال اليومي هذا هلاك للبشره ودمار للانسجه والله انها صج انصدمت يوم قلت لها .. وبقلبي اقول عيل لو تشوفين باجي البنات عندنا بعز الصيف فاونديشن وبودره وبلاشر ماك والشمس ترقع فينا والرطوبه ؟؟؟؟ والله قالت اذا ما بين عليكم الحين باجر النفر والدمل ياكل وجوهكم. مكياج ماك دمار للبشرة 007

انا مت من الخوف والله وقلت لازم ابلغكم لان والله العظيم فعلا اول ما قطعته بشرتي رجعت ما شاء الله احسن من الاول لا اغزيما ولا تأليف من دكاترتنا ولا بطيييييييييخ وديروا بالكم على صحه بشراتكم لان البشره بالذات حتى عمليات التجميل ما تنفع معاها .. وسلامتكم يارب

معلومه خطيره يعطيك العافيه
على النقل المميز
تقبلي مروري

» اقنعة الحلبة للبشرة
» قناع اللبن والنشا للبشرة
» الفجل الابيض وفوائدة للبشرة والشعر *
» مكياج**
» مكياج حصة ..