الشعب السعودي*

موضوع: الشعب السعودي* السبت يناير 23, 2010 8:36 pm

إلى الشعب السعودي المحترم مع التحيه...أمـــــــــــــا بعد

كان يا ما كان
قبل 10 سنوات أو حولها
كنا لما نمشي في ديرتنا ونشوف أجنبيه فاتشه
تطير عيوننا .. نقول وش هذي .. يا ساتر ..

كان يا ما كان

قبل ثلاثة ايام
أفتح إيميلي و أشوف رساله من قروب مشهور... صور لبنات ويتفاخرون أنهم سعوديات

السعوديه فخر بس للأسف ما يستاهلون يرفعون هذا المسمى على الصور الي كانوا طالعين فيها
مثال ..
صورتين
لـ 6 أو 7 بنات..صافين..عالجدار وملقينا ظهورهم..ومرفعين يدينهم (كأنهم معاقبات).. ومنزلين البنطلون..ونص البتاع طالعه
قلة الحيا هذي مهيب مقبوله!!

سنوات فترة مهيب قليله

كيف وصلنا لهذي الدرجه من فراغ الاخلاق . ؟؟
الصيف اللي راح.. للأسف غلطنا ورحنا مصر .. وما أدراك ما مصر ..
مع الحرص الشديد الحمد لله للإبتعاد عن أماكن الفساد .. لأنه يوجد فيها فساد أكثر من الدول الغير عربيه صراحه!!
ويلوموننا ليه نكره الدول العربيه!

رحنا لمطعم سقيم..طلع فيه واحد عالستيج ( المنصه ) .. ومسك المايك وقال((احلى تحيه لشعب السعوديه))

وتصفيييييييييق..!!

لحقونا بعد شوي الشعب الاماراتي والكويتي..
بس السعوديه عادها يمكن 6 مرات..

جلست أفكر.. ليه يعني حنا أكثر؟؟
فكروا فيها شوي.. لين يخلص الموضوع بعدين جاوبوا..
......
أرجع ألحين لصلب الموضوع..

ليش صرنا نشوف صور كثيره.. وعناوين الصور((سعوديات..سعوديات..سعو- ديات))
لو نتفرج عالصور..
نلقى رجول..

نلقى جزم

نلقى اساور خضرا<< يعني ترا حنا سعوديات.
والفيس بوك عاد..والهاي فايف.. انواع الصور اللي مدري وش اقول عنها
شفايف..
* * *
عيون

ونادر ما تلقى وحده حاطه وجهها..
على فكره.. اللي تحط صورة وجهها,, محترمه اكثر من اللي ترزز اشياء ثانيه!!
يعني عشانكم تتغطون..تروحون تصورون ذا الصور ..!

تمنيت أني اطيح على بروفايل أحد..و ألقاه حاط أسم كتاب حلو نقراه ..خاطره حلوه من كتابته.. موقف مضحك مر فيه..موقف مؤثر..
أو إذا كانت ( أو كان ).. يعشق التصوير.. ليه يصور هالأشياء السخيفه..؟؟ اللي ما تدل إلا على سخافة تفكيره؟؟
إذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!..
ليه كل اللي أشوفه..بربسة حكي.. واحيانا قلة حيا !! لا صراحه.. موب احيانا.. غالبا..
وش هالفضاوه اللي في العقل لدرجة انكم تصورون يدينكم.رجلينكم.. ((شنطكم الماركه

يمكن الفضاوه.. أقدر أتقبلها.. أو أبلعها..لأن أحيانا نسويها حنا أنفسنا.. من كثر الفراغ اللي حنا فيه.. أو يمكن شكل الصوره حلو..
بس أن الوحده تجي تصور مقفاها.. هي وخوياتها.. وكاشخه بالجي سترينق !!

والمنتديات والقروبات السعوديه تتسابق لنشرها ..
الدال عالخير كفاعله.. والشر بعد..
بعدين أنتي ياللي مصوره أنتي وخوياتك
يعني أنتي همك الوحيد ما يشوفون وجهك عشان محد يعرفك..
بس مقفاك.. شفايفك.. و* * * *.. عادي يشوفونها !!
لأن المهم عندك الناس.. موب الله ؟؟

طيب صورتك قدام نفسك طيب؟؟ ما تهتز أنك سويتي شي حقير و وضيع مثل هالشي ؟؟
أصلا أصلا.. كيف صورتوا صوره زي كذا.. يعني ما استحيتوا من بعض يا بنات ؟؟
عيب يعني .. يعني عشانكم بنات مع بعض عادي تورون بعض يعني ؟؟
ولا أقولكم .. انا نسيت أنكم ناشرين الصور للشباب..فما يهمكم البنات..
يعني صدق شي يضيق الصدر .. بنات سعوديات مسلمات في مجتمع مثل مجتمعنا يسوون زي كذا..

ودي أعرف أمك..و أبوك..وش بينظرون لك بعد ذا الصور ؟؟
يعني حرام..أهلكم ربوكم أحسن تربيه..
بس أنتم للأسف ما ربيتوا أنفسكم..
فيه شي أسمه تربيه النفس.. بس أنتم تتبعون أهوائكم.. أو خليني أقول مخكم الفاضي !!
ولا قروب ثاني سعودي برضوه .. و الصور اللي ناشرينها..
ذوليك عاد .. متبرقعات .. وبعابياتهم .. متكحلات..ومسوين حركات غبيه ومصورين..!
طيب ؟ وبعدين ؟؟ أبي أفهم وش الهدف ؟؟ مره وناسه ؟؟ مره يضحك ؟؟ ماااااااااااااااره كوووول انتم صراحه !!
طبعا ترا الكلام موب موجه للبنات فقط.. لأن يوجد عندنا وبكثره رجال عقول فاضيه
..
اللي همهم نوم وأكل.. وفلوس ياخذها من أبوه ولا أمه !

تطوروا شوي.. ارتقوا شوي..اطلعوا بصوره احلى من كذا..
أنتم عارفين أن النت أكبر وسيله إنتشار..
قبل فتره.. في إم بي سي فور .. تدرون أن في برنامج من برامجها عارض بروفايلات لبنات سعوديات.. بأسماءهم.. طبعا موب أسماء حقيقه.. !
بس شوفوا الصور انتم ! شفايف و * * * * ومدري وشو.. علقوا على هالشي بأننا متكمكمين بعباياتنا عشان كذا نروح عن أنفسنا بذا الطريقه..
ما تستحون ؟؟ قبل الغرب اصلن.. صوركم قدام انفسكم !؟ ما تهتز؟؟

انشروا شي حلو ,, حاولوا تطلعون بشخصياتكم الحقيقيه.. موب تصيرون مثل الأمعه اللي يسوي شي عشان يقلد الفنان الفلاني.. ولا البنت الفلانيه..
ليه بس تنشرون الشي الشين ؟
أنواع المقاطع الشينه تنتشر.. أنواع الصور الشينه..

ليه ؟ وش استفدت ؟؟ غير الذنب والأثم.. أنك خليت أحد يشوفها.. و أنك نشرت شي مو كويس عن المسلمين !
أقولكم شي؟

شفتوا كتاب ( بنات الرياض ) قريته..صراحه كل اللي فيه واقع..أشياء فعلا تصير عندنا..طبعا لفئه معينه من الناس..
بس تدرون أن الكتب تترجم لأكثر من 22 لغه ؟؟
تدرون أنهم برا يدرسون الكتاب في دوله من الدول
يدرسونه ؟؟ تخيلوا ؟؟
رجاء الصانع ما كانت تبي تنشر غسيل.. كانت تبي تفتح عيون الناس على أخطائهم..وتصلح هالأخطاء..
يا حلو الثقافه اللي يتثقفونها بس !
يعني ألحين اللي برا..يدرسون الكتاب كنص سعودي أدبي يمثل حياة السعوديين .. كله سلبيات في سلبيات, ,!,,مثلا احنا ألحين ندرس..روبنسون كروزو في الجامعه وفي بعض المواضيع بكتب الإنجليزي في المراحل الدراسيه تتكلم الكتب عن حياة الغرب بصوره حسنه.. على أساس أنه نص إنجليزي يمثل الحياه الدينيه والسياسيه الإجتماعيه في هذيك الفتره..
هم يدرسون (بنات الرياض) لتمثيل المجتمع السعودي!

أنا ما ألوم رجاء الصانع على اللي كتبته.. بالعكس أنا عاجبني الكتاب من إلى. . وكل اللي كتبته أشوفه بعيني عندنا..
وكل اللي سووا عليه ضجه.. هذولي يبون يعترضون لمجرد الإعتراض..
ليه تعترضون ؟؟ لييه ؟؟ ما تشوفون بناتكم ؟؟ ما تشوفون عيالكم ؟؟ ما تشوفون مجتمعكم كيف !!
ليه تنكرون كل اللي بالقصه و أنه موب موجود !
إلا موجود ونص والدليل هاللي نشوفه بالنت والسوق والجامعه وكل مكان!

رجاء الصانع تبي تصلحكم وتفتح عيونكم على اخطائكم..
لكن موب الغلط في اللي كتبته رجاء.. لكن الغلط في مخ كل من يقرا الروايه !!
وشلون الواحد يصلح مجتمعه ؟؟ بأنه يكمكم على أغلاطه ولا يحكيها عشان ما ينفضح قدام الأجانب والناس !
بس عادي يدشرون ويخربون وكل شي.. بس ما ينتشر عنهم شي !
ويستمرون بنكران كل قصص الدشاره والصياعه اللي عندنا بحكم أنناسعوديين.. مدري يمكن قصدكم سعوددين= ناس طاهرين !
غلط ! كل دوله بالعالم فيها الصالح والطالح..
البيت الواحد فيه الصالح والطالح..

ما تحبون أحد يحكي فيكم أبد.. بالرغم من كل الأغلاط بحياتكم..

قبل فتره سمعت أنهم رحلوا هشوم الرياض.. إلى ديرته الحقيقه(سوريا)
وأنه لا يمت للشعب السعودي بصله!
كأن ما عندنا سعوديين من هالجنس!!

ليه ما تصلحون إيميلات تعود لكم بالفايده ؟ و تحسن سمعتكم ! وتظهر الجانب الحلو في كل سعودي وسعوديه ؟

بقولكم مثال.. لوحده أعرفها شخصيا.. قبل ما ينتهي رمضان.. أرسلت مسج لكل اللي تعرفهم..وقالت أنهم بيجمعون فلوس هي وبنات خالاتها.. وبيروحون يشترون ألعاب..وحلويات.. ويرسلونها لجمعية الأيتام..وفعلا جمعوا.. ووصل المبلغ ألين 22الف.. كله من بنات عشرينيات في العمر..كلهم تحمسوا لهالشي .. كلهم اتشغلوا وشروا ألعاب.. و حلويات.. شروا ميك أب..وشروا أشياء ثانويه الجمعيات ما توفرها للمحتاجين والأيتام.. يعني البنات فكروا بتفكير مررررره حلو ,, فكروا بالأشياء اللي يحتاجونها الفقراء..ويفرحون فيها,, بس ما توفرها لهم الجمعيات لأنها مهيب ضروريه مثل الأكل والبيت والملابس,, يعني هالمثال صراحه أوقف و أصفق له بحراره.. هذولي هم السعوديات اللي نعرفهم !!

شله شباب..أعرفهم بعد.. ..طالعين لجده..في رحله بحريه..وصادوا كميه لا بأس بها من السمك..
تدرون لو بيبيعون هالسمك.. كم يبيجب لهم ؟ تقريبا 4 آلاف..
بس هم كانت نواياهم اهم من الفلوس..
اخذوا هالسمك وودوه لمنطقه فيها ناس فقرا.. وتصدقوا ..

برضوه حملة تبرعات الراجحي..
ترا أكثر من تبرع فيها شباب..
(( المواقف مذكوره عشان أبين انو فيه ناس كويسه,,يعني أبين الجوانب الإيجابيه ))
يعني فيه ناس تشتغل.. فيه ناس عندها أهداف..
موب بس بالنت.. حتى برا النت,,
سواء بنات أو شباب..

نبغى جيلنا السعودي الجديد ينتشر عنه كل شي حلو..

أنا ما أقول أنكم ما تنبسطون.. ما تسوون هبال. . بس برضوه بحدود..
موب عشانكم ورا الشاشات يعني عادي؟؟
( هياط ورا الشاشه = مرض (

الصور اللي من النوعيه اللي ذكرتها في البدايه.. بطلوا تصورونها .. أو حتى تحطونها بالبروفايل حقكم.. ترا صدق يعني هالشي ما يبين إلا فضاوه عقولكم .. لأن هالبروفايل يبين شخصيتك..

أي أحد يشوف هالصور .. ولا يجيه ايميل من هالنوعيه.. يبطل ينشرها.. لأنها يساعد على انتشار هالظاهره..لأن التقليد عندنا أعمى

و أبي أتطرق لموضوع بيخش فجأه بس لازم أعلق عليه(( فضيحه بنت .. الخ )) هالنوعيه من الصور والفيدوهات....

أولا نشرت شي حرام. ثاني شي ما سترت على بنت أو ولد الناس..
ما تخاف ربي يفضحك بشي بعد سنه او 2 او 100!!
قال الرسول صلى الله عليه وسلم (من ستر على مؤمن بالدنيا ,, ستر الله عليه بالاخره )

أتمنى أن موضوعي هذا ينتشر بنفس الطريقه اللي أنتشرت فيها هالصور..
يهمني الموضوع ينتشر في المنتديات السعوديه.. أكثر من المنتديات العربيه..
لأننا نحاول نناقش قضيه سعوديه داخليه..ومافيه مجتمع ما يخلو من الأخطاء..
ابغى إذا احد قال((احلى تحيه لشعب السعوديه)) وعادها 6 او 10 مرات..
اعرف ليه قالها.. واقول معه حق..
.

تح ـيآتي للجمـيع

منقووول

اختي مشاكسة

لالالالالالالالالالالالالالالالالالالالالالالالالالالالالالالالالالالا

تعليق

وصدق المثل القائل
إذا لم تستح فصنع ما شئت

مشكوره

شكرا لمرورك الطيب

» الشرطة في خدمة الشعب
» الشعب السعودي ماله حل ههههههه
» عادات الشعب السعودي ... فديتهم
» فضاايح الشعب السعودي في قوقل لا تفوتكم .....
» خمس مائة الف مقبرة جماعية تنتظر الشعب السعودي‎