يوميات معلمه

أخبالكم؟؟

لكم وحشه مهيب سهله ..

تخبروني مااحب المقدمات عشان كذا ابجلس ابربر عليكم لين تعجزون

قبل فتره كانت علي المناوبة في الصرفه

وواقفه عند باب المدرسه واتسمع الفراش وهو ينادي على الطالبات ...

مادريت الا الفراش ينادي ويقول (( محمد العيسى يالله يامحمد العيسى بسرعه يامحمد العيسى ))

وانا اللي تطير عيوني ادور البنت اللي بتطلع لسيارتها ..

قلت خلني اشوف اخت محمد العيسى

خخخخخخخخخخخخخخ

وتجيكم وحده من طالباتي ابوها اسمه غرم الله مدري جار الله مدري عطا الله وانا اللي

قلت لها : وين طالعه يافلانه ؟

قالت سيارتي جت ..

قلت :ماقال غرم الله

قالت: غرم الله ايش ياابلتييي ؟؟؟

سواقنا اذا بغاني اطلع بسرعه يقول محمد العيسى واجيه ركض

بجد بجد

وانا اقعد شوي مادريت الا الفراش ينادي على كاظم الساهر

ماحلفتوني بغيت اطلع مع الباب يوم سمعت اسمه

اش رايكم في خبال هالبنات ؟
*************
مره ايام المراجعه جتني وحده من الطالبات وقالتلي ابلا امس حلمت حلم حلو

قلت :خير الللهم اجعله خير

قالت: حلمت انك اعطيتينا اسئلة الامتحان

قلت : بسيطه احلمي الليله انك نجحتي هع هع

************
هذي وحده من زميلاتي جداويه وودها تتكلم نجدي فدخلت عند طالباتها وقالوا لها : ابلا نبغى اسئلة مراجعه

جت بتقولهم وشوله اعطيكم اسئلة مراجعه ؟؟

غلطت وقالت وشلووووله اعطيكم اسئلة مراجعه ههههههههههههههههههههههههههههههههههه هههههههههههههههههااي

ياحبي لها

رهييييبه

هالحين كل ماشفتها قلت لها : وشلوووله التميلح

*****************

هذي وحده ثانيه من زميلاتي عصبت من وحده من الطالبات وقالت لها : ياحشره

اليوم الثاني ام الطالبه جايه وتسأل عن الابلا وقالوا: عانيها

يوم اقبلت الاابلا وتطلع الأم فليت وترش الاابلا

ههههههههههههههههههههههههههههههههههههههههههههههههه هههاااي

قالت: عشان تعرفين منهو الحشره

طيب تتوقعون لو انا قلت لبنتها ياجزمه وش بتسوي هالأم ساعتها

يمكن تلبسني شراب

الحمد الله والشكر ..

ويقولون ماعاد للمعلمين هيبه

اقسم لكم بالله مافيه امل ..

بس بيني وبينكم فيه احترام لكن خوف ماعاد فيه ..

يقولون لي كلمينا عن مراهقتس ؟

((قلت لهم ايام مراهقتي كنت اعلق صور سعد خضر وبشير غنيم ))

باقتباس من غطروفه

قالوا طيب ياابلا تضيفين شباب عالماسنجر ؟

قلت لهم : بس عاااد حدكم هنا

اللي بتطري الشباب بتطلع مع الباب vvsmile

بيني وبينكم خفت اخق واقول كلش عاد تخبروني مااكتم السر

***************************

مره وانا ماره في ممر من ممرات المدرسه والين فيه بنتين واقفين برا فصلهم ووحده منهم تقول للثانيه :اللللللللله الابلا مرررررره حلوه شكلي ابخطبها لخوي

قمت وقفت بجمبها وقلت لها : اخوك يشبهك ؟

قالت : ايه

قلت : اجل مابيه

هي طاح وجها

وصديقاتها بغوا يتشققون من الضحك عليها
*************

مره وقفت احتياط عند فصل من فصول الابتدائي ...

عاد سألتهم لغز يقول (( ماهو .. اصفر اللون .. سارق عقول الكون ... وحارم الناس لذة النوم )).

قالتلي وحده منهم (( الحب ))

قمت ناظرتها

وهي اللي يتقلب وجها من الفشيله

طبعاً الحل كان الذهب

***************************

ومره وحده في سنا خامس عطتني اوتوجرافها عشان اوقعلها فيه ..

قمت أخذته وجلست اتصفحه لقيت وحده من زميلاتها كاتبتلها فيه اتمنى لكي حياة اسريه وزوجية سعيده

وبين قوسين كاتبتلها (( لاتنسين تعزمينا في فرحك )) <<---- خخخخخخخخخخخ شكلها راعية عروووس

*******************

تدرون ...

امتحنت طالباتي وامتحنوني

كل ماامتحنهم مايجاوبون ..

قمت قلت لهم ورب البيت اللي ماتجاوب في الامتحان الجاي لعلق ورقه عند غرفة الحارس في الشارع مكتوب فيها اسماء الطالبات الضعيفات

قالوا : عز الطلب ياابلا ..

تسوين لنا دعااايه برا بيدرون انه مالنا في الدراسه وبينهلون علينا الخطاطيب

قلت : صدق

خلاص دام الدعوه فيها خطاطيب بكتب الضعيفات بإشراف المعلمة بشاير

خخخخخخخخخخخخخخخخخخخخخخخخخخخخخخخخ

بغى يغشى عليهم من الضحك

دروا ان ماحولهم احد

حتى الوحده فيهم لاجت تروح للحمام ماتقول ممكن ياابلا ؟ تقولي: بررب

اقسم بالله انهم مهوووين ههههههههههههههههههههههههه

وكل يوم ارجع من المدرسه وشنطتي كلها قوارير بلو كوكتيل وبنك كاديه وبساكيت

ويوم اللمس كتف وحده من الطالبات وانا اشرح تلقونها تحر زميلاتها وتغمز لهم يعني ياعوينكم موتوا قهر الابلا لمستني

خخخخخخخخخخخخخخخخخخخخخخخخخخخخخخخخخخخخ

ويقولون لي ابلا خلصي الدرس بسرعه عشان نقعد نسولف

ومع اني احيان اكرشهم واتلفظ عليهم الا اني احبهم وكل خميس وجمعه افقدهم

لارحم ابوهم يشهبووون القلب

يالله وراي تحضير

واربع حصص ورى بعض بكـــره