القاف جاني
القاف جاني في قصيدي على الطا
والشعر يكتب بين لحظات وجنون
في عالمي سار القلم في المـــوطا
واشعل فتيل(ن) داخل القلب مدفون
شفته وهو عني من الشوق ابطا
كل مالمحته جتني احزان مغبون
ياللي خذيتي القلب مني ولا اعطا
غير الهوى اللي به الحكم مسجون
والله عجـيــبه هالغــــزال المسّطا
اللي على عنا قلبي وانا فيه مفتون
(قبله) (وملحه)ومشـيـته لاتبطا
بالهون ياللي تتعب القلب بالهون
والا الشعــر منثـور لامـن تشطا
لاداعبت كل الجدايل عــلى متون
والمبســـم اللــي ارسمه لاتمــطاكل ماضحك ياوجد حالي على النون
واللي برز في وسط صدره وخطا
خط(ن) بدالي كنه بسطـرموزون
والعين فيها من الهدب لو تغطا
لاقام يرسـل بالنظـر حدة عيون
والخصـــرهــذا ينقــله او يحطا
كل ماتثنى مــن حلاها يهـزّون
وانا على جمر الغضى كنت ابوطا
لاكن داعاني صوت ناس(ن) يصلوّن
وانا اعتبر وصفي لها ماتخطا
اما على الانفاس والاعلى لحون
مكاني
الأربعاء أغسطس 04, 2010 5:25 am
