مواصفات الرجل اللي عنده مشروع زواج 2 ..

أولاً

جواله دائما مقفول بكلمة سر (باسوورد)...وإذا عنده جواليين فاثنينهم مقفولين بنفس كلمة السر.. وإذا سألتيه عن السبب يقول: ( لما يضيع او ينسرق محد يقدر يستعلمه)

ثانياً

كل ما تتصلي عليه يطلعلك (أنتظار)... أما بالبيت فنادراً ما يرن... لييييييييييييش؟؟.. محد يدري

ثالثاً

لما يوصل للبيت يخلي جواله على (الصامت)... والسبب... ما يريد أحد يزعجه!!!...

رابعاً

إذا طلع من البيت للشغل أو للسوق أولربعه ونسي جواله... يرجع للبيت بدقيقتين مثل (الصارووووخ) وياخذ الجوال ... صح أو لا؟؟

خامساً

إذا كان نايم يقفل الجوال ... كل شي جايز... إحتمال يرن أو تجيه رسالة وهو نايم ومايدري... وتروحي (من باب الفضول) تشوفي مين أو تقرأي الرسالة (كاررررررررثة موووو!!!!).

سادساً

عنده (ردود أستباقية).. يعني إذا رن جواله.. يرفض المكالمة ويقول: ... (يوووووه، والله أزعجني فلان.. صار خمسين مرة متصل علي ... ما أبغى أرد عليه) ... طيب إنت مين سألك حتى اتبرر J ..!!

سابعاً

في (إرتباط شرطي) بين المسج أو المس كول ... وبين طلعته من البيت.... شنو العلاقة بحيث أول ما تيجيه المسج يتحجج بأي حجة ويطلع من البيت

ثامناً

يتكلم بالجوال من أماكن غريبة... مطبخ.. حمام.. حديقة.. السيارة .... المهم مافي أحد جنبه يسمع كلامه مع مين... فديري بالك

تاسعاً

الأسماء في جواله غريبة مثل

أبو غادة ... يعني غادة

عنتر ... يعني عبير

أنور ... يعني نورا

الخ

عاشراً

إذا كنتي معاه بالسيارة ... بيقولك بس دقيقة أبغى أشتري شغله من البقاله ... وينزل من السيارة للسوبر ماركت ...ويضل ربع ساعة ولما يرجع ... بتسأليه ليش اتأخرت؟؟ .. بيرد زحمة... ومرات بعد هالتأخير يقول ... (والله ماعنده إلي أبيه)

أحد عشر

فجأة يصير معاك رومانسي جداً وبيحبك ويتغزل فيكي وبدون سبب او سابق إنذار ..... هذا يسموها عقدة الذنب

خخخخ

إثنى عشر

ما يمنعك من الروحة لأي مكان ... للسوق، للنادي، لربعاتك ... المهم ماتبقي جنبه (يالله الفكيك) حتى ياخذ راحته... وإنتي هبلة بتصدقيه راساً وبتطلعي

ثلاثة عشر

كل ما يجيب سيرة الأولاد يقول: (أولادك)... وما يقول (أولادي) أو (أولادنا)... شي لا إرادي بيسبق عملية أي زواج ثانية

أربعة عشر

إذا رحتي لبيت أهلك بيتصل ويقول: ... (إذا مستانسه خلك معهم، ونامي عندهم إذا تبي)... وإنتي طبعاً ما بتصدقي وبتسمعي كلامه وبيقولك خواتك من زمان ما شفتيهم ...... خلك خلك .. أقووول خلي أهلك يفيدوك إذا اتزوج عليك خخخخ

خمسة عشر

بيتكلم بالأمور النسائية بشكل تفصيلي (حمل، مكياج، أظافر، رجيم، ميش)... بحيث تستغربي منين جايب هالمعلومات التفصيلية !!...

ستة عشر

لما يكون عنده موعد معاها تدري لزم يدلعها وقت الخطوبه يعني أنتي مو أحسن منها زي ما دلعك لازم يدلعها الله أمر بالعدل وأنتي الحين شايبه وهو يبغى ينبسط مع الفروخه الجديده ... بيسويله أي مشكلة معك .. ويطلع من البيت... حتى إذا أتصلتي عليه ما راح يجاوبك الريال عايش جووو .. وعلى أساس أنه !!!!... زعلان منك.

سبعة عشر

لما يوصل للبيت بالسيارة.. بيبقى قاعد فيها عشر دقائق .. وبعدين يدخل البيت ...لأن الكلام بالأخير على الجوال بيكون حلو وما يتعوض ( أكيد ماراح تعوض)

ثمانية عشر

كل كلامه مع جماعته بالألغاز J ... لأن كلهم على شاكلته J الله أمر بالستر .. كل مواضيعهم عن بنات

مين قال

خخخخ

الخلاصــــه :

اذا توفرت في زوجك 3 حالات من الحالات السابقة:

تره إنتي تتوهمي فتعوذي من نفسك ومن الشيطان الرجيم بس أنتبهي

أنتبهي مو معناه تراقبيه معناها وفري له كل سبل الدلع J يا ويلي ويلالالاه

اذا توفرت في زوجك 6 حالات من الحالات السابقة:

خافي على زوجك وحاولي تزيدي من جرعات الدلع لا يطير

والله إذا طااااااار ماراح يرجع بيروح للفروخه الجديده وشنو يرجعه لناقه

إذا توفرت في زوجك 10 حالات من الحالات السابقة: صار

اكيييد أنه عقد العزم على الزواج خلالالاص (كلا لاوزر) يعني هيئي نفسك لقبول الواقع لأنك من الأول فيك عيوب الدنيا وأشياء كثير ناقصه وما عدلتي نفسك أو هو يبغى يعيش حب جديد

أخرشي الشرع حلل أربع

اذا توفرت في زوجك 15 حالة من الحالات السابقة:

اقطعي إيدي الاثنين اذا ما كان متزوج بوحده تانية

أما إذا اتوفرت كل الحالات الـ 18 بزوجك

عيوني.. لمي غراضك وروحي لبيت أهلك... حالة زوجك ميؤوس منها

أرتاحي فيها يومين وهيئي نفسك للواقع الجديد ولا تشيلي هم هو بيجي يصالحك بكلمتين حلوين J ولا تظهري نفسك أنك ماديه وتطلبي منه ذهب ما ذهب

بيني له أنك تحبيه لذاته

وأنتبهي تطلعي مشكلتك بررره للناس لا تخلي أحد يتشمت لأنك ماراح تغيري الواقع لو تطيري للسما وتنزلي للأرض

عسى ما شر تتوقعي بيهد الزين ويجي

ولو طلبتي الطلاق وهو مو شاريك بيقول زين جات منها فكه

ولو مشيتي الموضوع وجلستي نكدتي عليه ماراح ترتاحي ولا هو بيرتاح

وأنتي الخسرانه

حذراااااااااااااري

تطيحي في المحذور وتنعتي زوجك بالخاين

لا تتقولي على الله عز وجل

وإلي يتقول على الله فليتبؤا مقعدهُ من النار

الله ما قال إلي يتزوج على زوجته خاين

ولا تسمعي الحريم إلي بايعين دينهن

ترا ما ورهن إلا الدجه ولو فيهم خير كان حافظوا على أزواجهن بدل ما يحرضن الحريم على أزواجهن

وفي الأصل في القران التعدد

مصداقاً

قوله تعالى: { فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة }..

مو زي ما يروج له بعض المنحرفين عن الدين أنه وحده بس

وعادي الزوج ينحرف برا البيت

لكن الله سبحانه وتعالى خلق الرجل بفطره معينه فزوجه وحده ما تكفيه

بعكس الزوجه إلي يكفهيا زوج واحد

لهذا يتزوج عليك ولا ينحرف برا البيت

كلام جميل جداً و واقعي

يعطيك العافية على الموضوع الجميل

تقبلي مروري وإحترامي

الله يكفينا شر النذاله ويبعد عننا هاليوم ومانشوفه ان شاء الله

مشكووووووره حبيبتي على الموضووع

نذالة بقوة الله يكفينا شرهم

خخخخخخخخخخخ

مشكورة على الموضوع اللي يحرق الرز

:affraid:

» اللي عنده ريال *
» سواليف (مواصفات الزوجة)
» ما يحبه الرجل في المرأه و ماتحبه المرأه في الرجل
» مشروع هارب *
» مشروع ساعة مكة المكرمة **