ياراكـب اللـي عـلاهـا قــش ددســن جـديـده ومنـقـوشـه
مــن الوكـالـه عـلاهــا رشمـا هـي قرنـبـع ومـقـروشـه
شكمانـهـا بالرطـوبـه بـــشو أربــع كـفـرات مفـروشـه
تهـش دعـب الخـرايـم هــشو إليا مشـت مشـي مخروشـه
عـن دربهـا ياخـبـل إنـحـش وخـل المـسـارات مفتـوشـه
وتحش عشب البـراري حـشو خصوص لن جات مجروشه
بمقدمـتـهـا دبــــل يـنـعــش وبطنهـا الطـعـس ماينـوشـه
ولاهمـهـا الـوحـل والــرش دايـم لهـا الأرض مبـروشـه
يشهد لها كـل راعـي طـرش أو عربـجـيٍٍ وإلــه شـوشـه
ولاجالهـا طقطـقـه وقــرش يـابـان ماهـيـب مغـشـوشـه
وسواقـهـا للعـمـامـه طـــش إنشـد هـل العقـل ودشوشـه
مركـب غنـي وبعـد مـقـرش ولاعـانـقـت ذاك لـقـروشـه
عذراً وتسمـع خطاهـا وقـش تنـحـب ماهـيـب مـكـروشـه
إليـا أقبلـت العصـار تـنـشظ بـيٍ تخـوف مـن الطـوشـه
وإليا عرضت كالسحاب يبشو أحيـاء صراميـد معروشـه
وإليا أدبـرت مثـل سبـعٍ دش واقفـى بعـد خــم عرمـوشـه
مهـارة أللـي نقشـهـا نـقـش لاعـابـت إيـــداه ونـقـوشـه
نيسـان شركـه حـرام تـغـش والماركـه غـيـر مخشـوشـه
يبـان تملـك كـراس العـرش وخبيرهـا يـمـس طربـوشـه
وديكـورهـا يحتـمـل للنـبـش والطاقـم الشمـس ماتهـوشـه
ضد الحراراه وضـد الهبـش ومراتـبـه شـبـه مرشـوشـه
بأحدث طرازٍ كساها الفـرش مـن أجمـل الـخـام منبـوشـه
والطـاره اللـي تـلـف بـنـش وتـهـوز مــن أول النـوشـه
وطاقم هوائـي بمكـرة ونـش ونسيمـهـا مطيـبـك مـوشــه
والطاقـم أتقـن لـزر القـرش غرفـه تماتيـك مــع حـوشـه
فيهـا تعلـق أنـيـس ووحــش وذبـاحــه لـكــل مـربـوشـه
مـع كـل ريـعٍ تجـي وتـخـش تنـقـش ماهـيـب مقـشـوشـه
واللـي شتمهـا بخمسـي كـش في وجه من طالـت إرموشـه
تسـبـق مفاتيحـهـا بالـنـتـشتنــــــــــــــــــــــتـش ولاهـيـب منـتـوشـه
قيمـه وسيـمـه وزاد وعــش وتعيـش لـو قـيـل منغـوشـه
وفالهربده مثل شارب خـرش تمشـي ولـو كـان مخـدوشـه
تعيـش لـو الرفـارف حـرش والمرتبـه بحـبـل محفـوشـه
تصبر وتسعى بعيـانٍ عمـش كنـزٍ مايفنـى مــن اقـروشـه
انا افدى الددسن وراعيها 
مكاني
الأربعاء يونيو 15, 2011 4:41 am
انا افدى خشته 
