هذي قصه واااقعـــيهـ ؟؟
تقوووول:
في وحدة راحت للعمرة واهي تصلي بالحرم والا إتشوف ذيك الحرمة اللي تصلي وتبكي
تصلي وتبكي وتدعي وتبكي
المرأة استغربت منها وقالت اكيد لها سالفة
وكانت كل فترة و فتره يجيها ولد شاب يكلمها ويروح ويشوف وشو تبي
المرأة اخذها الفضول واجلست بجنبها واسالتها ليش تبكين؟؟ عسا ماشر!!!
فردت وقالت لها: والله من العذاب اللي فيني
سالتها المرة و قالت :وليش؟و شو سالفتك؟؟!!
قالتلها: اقولك قصتي وبعدين احكمي؟؟
إتقول :كنت متزوجة من زوج ونعم الزوج ،،،،
يحبني ويحترمني ويعزني
بس كان فيني عيب اني ما اجيب عيال وانا حاولت بس الله مارزقني
فـ شِرت عليه انه يتزوج ثانية
اهو مارضى بس انا ظليت احن واحن الين وافق
فدورت له على المرة وخطبتها له وتم الزواج
بس بعد ما تزوجها شبت نار الغيرة بقلبي لانه اخذ يميل لها
و بعد فترة الا والمرة حامل
زادت غيرتي
المهم جابت له ولد
الزوج استانس وفرح
وظليت انا افكر بروحي اشلون انا اللي شرت عليه
و في يوم جاني زوجي وقالي :بسافر مع حرمتي الثانية وبنخلي الولد عندك
ووافقت طبعا لانه ماكو احد يمسك الولد غيري
سافر وا خلوا الولد عندي وكان الوقت شتاء وكنت شابة نار(فحم)
والولد عمره تقريبا بين السنة وكم شهر وهو يلعب ويطامر قدامي
وانا بقلبي نار تشتعل مثل جمر اللي قدامي ،،اشلون ياخذهاويسافر لا و بعد يخلي الولد عندي الخ ،،إلخ من هالكلام
وفجاءةالا الولد يمد ايده بيلعب بالفحم اللي بالنار
ومن ناري وغيرتي مسكت ايديه وحطيتها اكثر بالفحم اللين ذابت ايده
واهني شلتها بعدها مايحتاج اقولك اشلون صارت ايد الولد
واهني حسيت ان ناري طفت اشوي
نمنا ذيك الليلة
اشوي الا وجاني خبر وفاة زوجي مع زوجته وإهم في طريق العوده عن طريق حادث
وظليت ابروحي عايشة مالي احد غير ربي ومن ثم الولد اللي تشوفينه وصار اكثر من ولدي واعز انسان
واهو يدور راحتي ويرعاني ومالي ظل غيره
واهو اللي يشوف طلباتي وطلبات البيت ومو مقصر معاي بشئ
بس انا كل ماشفت ايده يتقطع قلبي على اللي سويته فيه
واهو ينادي (يمه )
بس لحد الحين ماقلتله اني انا اللي شوهت ايده
ولازلت اعاني من العذاب وتأنيب الضمير وادعي ربي يغفرلي ذنبي
سبحان الله اشلون حكمة ربك انه صار هالولد خير لي
لولا هالولد كان انا حالتي حاله الحين
تقول المره اللي تقص القصة :
و احنا قاعدين نسولف
هالولديرد و يروح هالولد وهو مخبي ايده ويحب راسها ويسالها ها يمة نروح الحين؟؟؟
*(وعسى ان تكرهو شيئا وهو خير لكم)*
مكاني
الخميس مايو 20, 2010 12:16 am
